ගාල්ල දිස්ත්රික්කයට අයත් වර්ග කිලෝ මීටර් 40.75 ක භූමි ප්රමාණයෙන් යුත් මෙම ප්රාදේශීය සභා බල ප්රදේශය උතුරු හා ඊසාන දෙසින් බද්දේගම ප්රාදේශීය සභා බල ප්රදේශය ද, නැගෙනහිර හා ගිණිකොන දෙසින් අක්මිමණ ප්රාදේශීය සභා බල ප්රදේශයෙන් ද බස්නාහිර දෙසින් රජ්ගම ප්රාදේශීය සභා බල ප්රදේශයෙන් ද දකුණු දෙසින් ගාල්ල මහ නගර සභා බල ප්රදේශයෙන්ද මායිම් වේ.
මෙම ප්රාදේශීය සභා බල ප්රදේශය ග්රාම නිලධාරී වසම් 51 කින් සමන්විත වන අතර, ග්රාම නිලධාරි වසම් 44 ක් බෝපෙ පෝද්දල ප්රාදේශීය ලේකම් බල ප්රදේශයටද ග්රාම නිලධාරී වසම් 07ක් ගාල්ල කඩවත් සතර ප්රාදේශීය ලේකම් බල ප්රදේශයටද අයත් වේ.
බෝපෙ පෝද්දල ප්රාදේශීය සභා බල ප්රදේශය තුල විහිදී සිටින 69,868 ක් වන සියලු ජන කොට්ඨාශවල පොදු අවශ්යතා සපුරා ලීමට එම ජනතාව වෙතින් රැස් කරනු ලබන බදු, ගාස්තු හා වෙනත් සියලු ආකාර වලින් සභා අරමුදලට ඒකරාශී වන සියලු මුදල් මනා කළමනාකාරණයකින් හා පරිපාලනයකින් යුතුව යොදවා ඔවුන්ගේම සුභසිද්ධිය සලසා දීම අපගේ ඒකායන පැතුමයි
පී.කේ. ලලිත් ගාමිණී
දක්ෂිණ අභිමානවත් නවමු පුරවරයක් බිහි කිරීම.
බෝපෙ- පෝද්දල ප්රාදේශීය සභාව පළාත් පාලන ආයතනයක් වශයෙන් බල ප්රදේශය තුල මංමාවත්, මහජන සෞඛ්ය වෙනත් උපයෝගීතා සේවාවන් සැලසීමේදී මහජනතාවගේ සුඛ විහරණය හා සුභසාධනය ඉහළ නැංවෙන පරිදි එකී සේවාවන් ධරණීය සංවර්ධනයට පාදක වන පරිදි සැලසුම් නිර්මාණය කර ක්රියාත්මක කිරීමෙන් හෙටට ගැළපෙන ජන ජීවිතය ඔප්නැංවීම උදෙසා ක්රියාකාරීව සහභාගී වීම මෙම ප්රාදේශීය සභාවේ මෙහෙවර වේ.
1987 අංක 15 දරන ප්රාදේශීය සභා පනත යටතේ ප්රාදේශීය සභා ස්ථාපිත කරන ලද අතර එය පළාත් පාලන ආයතනයක් / ප්රාදේශීය ආණ්ඩුවක් ලෙස යම්කිසි නිශ්චිත නාගරික හෝ ග්රාමීය ප්රදේශයක පරිපාලනය හා සංවර්ධනය අරමුණු කොටගෙන ක්රියාත්මක වේ. ප්රාදේශීය සභා බල ප්රදේශය ද එය සමන්විත මන්ත්රී සංඛ්යාවද ආයතන හදුන්වන නාමයන්ද එමගින් ස්ථාපිත වී ඇත. ඒ අනුව සෑම පළාත් පාලන ආයතනයක්ම අවිච්ජින්න පැවැත්මක් හා පොදු මුද්රාවක් ඇති සංස්ථාවක් මෙන්ම නීතිමය පුද්ගලයෙක්ද වන්නේය. එමෙන්ම රජයේ නියෝජිත ආයතනයක් නොවන මුත් නෛතික සීමාවන් තුල ස්වාධීනව ක්රියාත්මක වීමට බලය ඇත්තේය.
1987 අංක 15 දරණ ප්රාදේශීය සභා පනත2016 අංක 12 දරන තොරතුරු දැන ගැනීමේ අයිතිවාසිකම පිළිබඳ පනත ප්රකාරව ප්රාදේශීය සභාව සතුව පවතින යම් තොරතුරක් ඔබේ අවශ්යතාවය පරිදි ලබා ගැනීමේ හැකියාව ඔබ සතුය.
තොරතුරු නිලධාරී
ලේකම්, බෝපෙ පෝද්දල ප්රාදේශීය සභාව, කලේගාන, ගාල්ල.
අභියාචනා නිලධාරී
සභාපති, බෝපෙ පෝද්දල ප්රාදේශීය සභාව, කලේගාන, ගාල්ල.
තොරතුරු ඉල්ලීම් කරන ආකාරය :-
ඔබගේ තොරතුරු ඉල්ලීම් ලිපියක්, විද්යුත් තැපෑල මගින් හෝ RTI අයදුම්පත්රය (කාර්යාලයෙන් ද ලබා ගත හැක.) සම්පූර්ණ කර තොරතුරු නිලධාරී වෙත ඉදිරිපත් කළ යුතුය.
තොරතුරු සපයන ආකාරය :--
ඔබගේ තොරතුරු ඉල්ලීම් ලිපියක්, විද්යුත් තැපෑල මගින් හෝ RTI අයදුම්පත්රය (කාර්යාලයෙන් ද ලබා ගත හැක.) සම්පූර්ණ කර තොරතුරු නිලධාරී වෙත ඉදිරිපත් කළ යුතුය.
2018 මාර්තු මස 09 වන දින ප්රකාශිත අංක 2061/42-7 දරන ගැසට් නිවේදනය අනුව බෝපෙ පෝද්දල ප්රාදේශීය සභාවට පත් කර ඇති සභිකයන් සංඛ්යාව 22 ක් වන අතර ඔවුන්ගේ තොරතුරු ඔබට පහතින් ලබා ගත හැකිය.
මන්ත්රී කණ්ඩායම